Sklerozna popevka -

_LeoNa_ · 03-29-2008, 08:12

SKLEROZNA POPEVKA

Vsaki početak već je i kraj
tri koraka naprej, štiri nazaj.
A kad odrasteš utvaraš si tad
kak navek buš ostal spameten i mlad.
Kad jenega dana, o kakve li bruke
postale jesu prekratke ti ruke.
Ak hočeš čitat oči ti fale
i furtam po hiži iščeš očale.
Tak fino polahko, počne skleroza
najpre v zubima paradentoza.
Pak onda uz muke i tešku vezu
od socijalnog dobiš protezu.
Na glavi polahko kosa otpada,
Al' zato rasteju ti brki i brada.
Na kraju nekaj zaštopa ti vuha
niš nikog ne razmeš, čistam si gluha.
Celi dan iščeš kuda kaj deneš,
jer vse pozabiš čim se okreneš.
Ni noge te više ne nose kak predi,
pomažeš si z ščapom, al kaj to vredi.
V kolenu škripi kak da je hrđa,
a kičma ti bude se trđa i trđa.
Ruke ti drhčeju, noge ti otiču
pak stokrat povedaš istu priču.
V križima išijas, v kuku artritis,
v črevima sračka, veliju kolitis.
Pljuča ti sviraju kakti trumbete
trbuh ti raste kak da nosiš dete.
Koža ti gruba kak šmirgl-papir,
po licu bore kak da si vampir.
Kaj seksa se tiče, i tu smo slabi
vu tih se letih to opče ne rabi,
nigdo za tebom se nebu okrenul,
a gdo se okrene, bormeš je skrenul.
Škodi ti slano, nemreš jest masno,
si te špotaju ak prdneš glasno.
I zato su zmislili te staračke hiže,
da mladima starost tlaka ne diže.